Details page

Sjøflyhamna i Sømmevågen

Sjøflyhamna i Sømmevågen, inst i Hafrsfjord, var den første lufthamna i Rogaland. Anlegget besto av ei lita brygge som ikkje såg ut til å ha noko med flyging å gjere. Viggo Widerøe starta i 1934 med ei kystrute frå Oslo og rundt Sørlandet til Haugesund. Eit fire seters Wasco-fly kom støtt og sikkert med post og passasjerar. Flygingane viste at luftfart hadde ei framtid i Norge. Dei to store rederia, Det Bergenske Dampskipsselskap og Fred Olsen, greip sjansen og starta Det Norske Luftfartsselskap (DNL). Selskapet overtok nokre av Widerøe sine interesser, og opna i 1935 ei regelmessig sjøflyrute mellom Oslo, Arendal, Kristiansand, Stavanger, Haugesund og Bergen. DNL sitt første fly, "Ternen", ein ein-motors Junker W 34, hadde plass til seks passasjerar og hadde ei marsjfart på 235 kilometer i timen. I 1937 blei Stavanger lufthamn, Sola opna som den andre i Europa med fast banedekke. Rogaland ble dermed bunde betre saman med resten av landet. På denne tida fanst ikkje jernbaneforbindelse med Oslo og vegane ut av fylket var svært dårlege.

Publisert av: Lindesnes fyrmuseumSist endret: 2018-11-17